من زمان أوي كنت بحب الرسم والألوان وبحب أعمل تصميمات لأي حاجة حتي لو بسيطة وأول ما بدأت أستخدم الكمبيوتر

حاولت أشوف ممكن أستخدمه ازاي عشان أطور موهبتي دي مكنتش أعرف غير برنامج الباوربوينت واستخدمته عشان أعمل تصميمات وكبرت ونسيت الموضوع وأول ما دخلت الجامعة اخترت القسم المعماري لإنه أقرب قسم لحبي للرسم والألوان والتصميمات واكتشفت إن شغفي القديم ظهر تاني لما لقيت إن أكثر مرحلة بحبها وببدع فيها في المشاريع هي الإظهار وتجميع الشاسية وبدأت أتعرف علي برنامج الفوتوشوب اللي حسيت إني لقيت نفسي فيه بدأت أتعلم من اليوتيوب وأشوف فيديوهات كتير وتركات تخليني أسرع وإظهاري متميز وقعدت اسأل كتير ممكن اشتغل ايه بالظبط عرفت إن فيه ناس شغلها الإظهار للمشاريع بس أنا كنت عايزة حاجة فيها تصميم وإبداع أكثر وبدأت أتعرف علي مجال الجرافيك وبعد ما اتخرجت وعرفت أنا فعلا متميزة ف ايه بدأت الكارير بتاعي وأخدت كورسات كتير في برامج ادوبي ومنهم طبعا الفوتوشوب اللي بكتشف كل ما أتعلمه أكثر إنه برنامج عظيم وتطبيقاته ملهاش عدد وبدأت أحس إنه بحر كبير جداً بدأت أشوف كورسات أكثر أون لاين وبدأت اشتغل حاجات فريلانس وأشتغل جرافيك ديزاينر في أكثر من مكان وقررت أعمل كورس عشان أنقل فيه كل اللي اتعلمته لأي حد بيدور علي شغفه وعايز يبدأ الكارير بتاعه